صابره يامصر
******
زاد المر في جوفي
والدمع... فاض
ياولادي م البعاد
طال الأنين قلبي
وحنيني للولاد
الشمس غابت عن أرضنا
الظلام..... ساد
نال شعري لون أبيض
م الهم.......... والعناد
حتي قلبي الدافي بات
تلج ...........وسواد
المر في الحلق علقم
إنحني ضهري ماعاد
رغم........... شبابي
مسنوده علي عصا الأهات
أنتظر فجري.... يقرب
لكنه.....راح وغاب
حتي عمري
عدي...وفات
وولادي ياما ضحايا
وياما..... مات
أو متغربين في البلاد
حكم القدر.... قاسي
والزمن .......غلاب
مكتوب عليه....... القهر
من أعز أحباب
ماشيه ألملم جراحي
وجوايا قهر وعذاب
أنكوي بنار الفرقه
وأنا صاحبه الأعتاب
زادت أصوات أهاتي
وجع الهوي الفؤاد
ولا حد في حضني يبات
صابره علي بلوتي
كما أيوب..قبل الممات
ياهل تري ياولادي
يعود لقلبي الشباب؟؟
يدب النور علي بابي
ويروح عني العذاب
أعود لأحضانكم
وأحضاني يغيب عنها الضباب
أعود نضره.....وجميله
صبيه.... للأحباب
زاد المر في جوفي
م البعد والعذاب
زاد المر في جوفي
م البعد والعذاب
كلمات::وفاء الزيني
ليست هناك تعليقات:
إرسال تعليق