إن كنت من متابعي الفيسبوك وصفحاته، لابد وأنك تلاحظ أن الفانز يتعاملون مع تلك الصفحات، بجدية أكثر مما تتوقعها، فهم يدخلون على تلك الصفحات يتفقون على النزول للمظاهرات معًا، ليصل الأمر إلى قيامهم بالحديث عن مشاكلهم لمجهولون بالنسبة إليهم، ليعلقوا عليها ويعطوهم نصائح تفيدوهم في حلها مما يدفعك عن المدى الذي وصلت إليه تلك الصفحات، من حيث تأثيرها على حياة المشاركين فيها.
وقد أثبتت الأحداث، بما لا يدع مجالاً للشك، أنه كبير خاصة بعد أن شارك الفانز في إحياء فرح لأحد زائري الصفحة بالمجان لإثبات جدعنة المصريين مع بعضهم في الغربة.
ويعود الأمر ليوم الثالث من مارس حيث فوجىء فانز صفحة Egyptian Community In Dubai بوضع الصفحة إيفنت كالآتي:
"عضو فى الصفحة بعتلنا رسالة قال فيها: إن عروسة أخوه جاية من مصر لوحدها .. وعايزين نعملها زفة فى المطار .. وبعدين الموضوع منفعش .. قوم إيه بقى مطعم Hadoota Masreya قال إنهم عندهم كوافير .. وهيتكفلوا بكل حاجة هدية للعروسة .. راح مطعم Cairo Cafe Dubai فطار صباحيتهم هدية من عندي .. راحت Alexandria Tours قالت عشا هدية فى فندق 5 نجوم للعريس والعروسة .. راح Geddy قالك وأنا كمان هفتح الأسبوع الجاي فرع جديد فى دبي مارينا .. وراح مقدم هدية دعوة عشا ليهم ولإتنين معاهم .. لقينا Loza Cakes Dubai كيكات و تورتات دبي و الامارات بعتولنا رسالة وقالوا تورتة الفرح علينا وعشان الفرحة تكمل .. راح Citizen WT وSnapshot Dubai و Adel Abdelrahman قرروا يصوروا الفرح والعريس والعروسة .. ويروحوا معاهم فى أي حتة "هدية منهم".
طبعًا غير حنان محفوظ اللى برضه عرضت تعمل تورتة الفرح . .بس كان بيتر سبق .. فقولتها إعمليلهم حاجة تانية .. وريهام بسيونى قالت هتعملهم مفاجأة ... وغير الناس اللى شاركوا وبعتولنا رسايل عايزين يعرفوا الميعاد عشان يحضروا .. والناس اللى دعتلهم :)".
لتنطلق التحضيرات والمشاركات من قبل المشاركين في الصفحة المتواجدين في دبي، ويكون اثبات امكانية الحضور وتقديم المساعدة من خلال "لايك" على البوست.
لتشهد مدينة دبي بالأمس، هذا الزفاف المرتقب ليحتل موقعه ضمن أغرب الأفراح التي أقيمت هناك حيث العروسين والمعازين ومن قاموا بالتحضيرات مجهولين لبعضهم ولا يجمعهم سوى صفحة فيس بوك، وهوية واحدة وهي كونهم مصريين...
ليست هناك تعليقات:
إرسال تعليق