عمرو مصطفى يرد على هجوم شيرين: «افتكري ريحة رجلك »«مش هانزل لمستواكي»

هاجم الملحن عمرو مصطفى، على صفحته الشخصية عبر موقع التواصل الاجتماعي «فيس بوك»، المطربة شيرين عبد الوهاب بعد تصريحاتها  الأخيرة في برنامج «المتاهة» مع الإعلامية وفاء الكيلاني حول عدم إجادته للتلحين، وضرورة تعلمه المزيكا أولًا ليتعاون معها ،

 علقت في البرنامج قائلة: "هو عك، وزعلني.. وأنا لما عمرو مصطفى بيجيلي البيت بيجي علشان يطبل على الجيتار وليس للعزف عليه، وبيقولي حطيلي حاجة أي تكنو أو ميوزك.. عمرو مش الملحن اللي يجي يعزف".

واستكملت حديثها لعمرو مصطفى: "روح اتعلم يا حبيبي تلحين أو مزيكا أو امسك آلة وتعالى اتكلم".

وحاولت مقدمة البرنامج وفاء الكيلاني تهدئة الأمور بينها وبين عمرو مصطفى، فردت شيرين: "مش هزعل منه لأنه ٣/٤ الكلام اللي بيقوله مش موزون".

ثم عادت لتنصحه بعدم التحدث عن إثارة الفتن: "أنت أكتر واحد ودانا في ٦٠ داهية".

وأتمت: "عمرو مصطفى معندوش عقل.. أنا بكرهه عمى".

 فيما هاجم الملحن عمرو مصطفى الفنانة شيرين عبدالوهاب، ردا منه على حديثها ببرنامج «المتاهة»
 «فعلا الإنسان لما بيكون طيب مع الأصوات الجديدة، لما بتكبر بتفتكر إنها وصلت وبتتجاوز حدودها، بس أنا مش هرد، أنا بس هقولك افتكري ريحة رجلك لما كنت عند الشاعر بهاء الدين محمد ونصر محروس، واتحايلوا عليا علشان أسمع صوتك، وبعد كده قالولي ممكن توصلها بس في طريقك لعباس العقاد، وسعتها رحت غسلت العربية من الريحة، بحسب تعبيره.

وقال عمرو مصطفى: "أنا قولت أفكرك بس.. وأخلاقي تمنعني إني انزل لمستوي (...)".. تم حذف البوست.
 يذكر أن عمرو مصطفى كان نشر على صفحته "بوست" رد فيه بألفاظ غير لائقة على شيرين ولكنه حذفه وعاد وكتب بوست جديد.